Bakit ba naghintay ako kahit mahirap paniwalaan na babalikan mo pa ako?
Bakit ba nagtiwala ako sa iyo sa mga sinabi mo noon?
In short, bakit ba nagpakatanga ako sa iyo?
Naniwala ako na kasama ako sa binubuo mong mga pangarap
Bumuo rin ako ng sarili kong pangarap na kasama ka
Pinanghawakan ko ang mga salitang binitiwan mo bago ka umalis
Pero lahat 'yun, nag-iba
Nang magkausap tayo, tinanong kita kung mahal mo pa ako
Parang na-sense ko na kasi na mayroon ka nang iba
Walang kagatol-gatol na sumagot ka ng "oo"
Ako naman si tanga, naniwala naman kahit kitang-kita na ang ebidensiya.
Sabi ko naman sa iyo, kung mayroon ka nang iba at ayaw mo na sa akin
Sabihin mo agad, ganu'n din naman 'yun, masasaktan at masasaktan din ako
Mabuti pang minsanan na lang 'yung sakit kesa unti-unti pa
At mas mabuti nang malaman ko nang maaga kesa ililihim mo pa.
Kung noon pa, e, sinabi mo nang ayaw mo na sa akin
'Di sana, 'di ka na nahirapan magtago at magdahilan
'Di sana, 'di na nasayang ang oras kong maghintay sa iyo
At sana, nabawasan na ang mahabang pila ng naghihintay na maghiwalay tayo.
